Presidenti amerikan Joe Biden e ka mbrojtur refuzimin e tij për të bërë thirrje për një armëpushim në Gaza, duke argumentuar se Hamasi ka thënë se do ta sulmojë përsëri Izraelin dhe se “ideja se ata thjesht do të ndalojnë dhe nuk do të bëjnë asgjë nuk është realiste”.
Biden ka thënë gjithashtu se forcat izraelite kanë kaluar nga bombardimet ajrore, të cilat ai dukej se e pranonte se kishin qenë “pa dallim” në pjesë, në operacione tokësore më të targetuara, pasi më shumë se 11,000 banorë të Gazës u raportuan se kanë vdekur.
Vendimi Biden për t’i dalë në mbrojtje ushtrisë izraelite është dukshëm jashtë hapit me vërejtjet e fundit të zyrtarëve të lartë amerikanë, të cilët e kanë zhvendosur theksin e tyre në thirrjet ndaj IDF-së për ta respektuar ligjin humanitar dhe për t’i shmangur viktimat civile.
Një vendim i tillë duket se i konfirmon raportet se presidenti është më pro-izraelit pa rezerva krahasuar me administratën e tij./The Guardian
