Përfaqësuesja e Kosovës U-21 ka barazuar 2-2 në shtëpi ndaj Bullgarisë U-21 në ndeshjen kualifikuese për Euro 2025.
“Dardanët” e rinj nuk kanë arritur të marrin më shumë se një pikë ndaj rivalëve bullgarë në ndeshjen e zhvilluar në stadiumin “Zahir Pajaziti” në Podujevë.
Ekipi i përzgjedhësit Afrim Tovorlani luajti si i barabartë për 90-të minuta, por pa arritur të marrë tri pikët dhe të ngjitet në tabelë.
Pjesa e parë për një nuancë i takoi mysafirëve të cilët arritën të shënojnë dy gola, kundrejt një të vendasve të Kosovës.
Ishte Martin Sorakov, i cili në minutën e tetë shënoi për 0-1, por Ardit Tahiri u përkujdes në minutën e 34-të për të barazuar shifrat në 1-1.
https://twitter.com/FootballKosovo/status/1725494019612876996?ref_src=twsrc%5Etfw%7Ctwcamp%5Etweetembed%7Ctwterm%5E1725494019612876996%7Ctwgr%5E908cf8c10f7f199d92dc97518ba47644ac487186%7Ctwcon%5Es1_&ref_url=https%3A%2F%2Ftelegrafi.com%2Fkosova-u21-ndahet-baras-bullgarine%2F
Kur pritej që ekipet të shkonin në pushim me rezultat të barabartë, kështu nuk mendoi edhe Martin Petkov, i cili në minutën e 45-të shënoi për 1-2.
Në pjesën e dytë u zhvillua lojë më e barabartë, por vetëm Kosova arriti të gjej golin.
Ishte përsëri sulmuesi i Dritës, Tahiri, i cili në minutën e 59-të shënoi për barazimin 2-2 dhe deri në fund nuk pati gola duke bërë që ndeshja të mbyllet me këtë rezultat.
Pas këtij barazimi, Kosova e sheh veten në pozitën e katërt me pesë pikë, ndërsa Bullgaria e treta me gjashtë pikë.
https://twitter.com/FootballKosovo/status/1725505048816271780?ref_src=twsrc%5Etfw%7Ctwcamp%5Etweetembed%7Ctwterm%5E1725505048816271780%7Ctwgr%5E908cf8c10f7f199d92dc97518ba47644ac487186%7Ctwcon%5Es1_&ref_url=https%3A%2F%2Ftelegrafi.com%2Fkosova-u21-ndahet-baras-bullgarine%2F
