Të gjithë pacientët në njësinë e kujdesit intensiv të spitalit al-Shifa të Gazës kanë vdekur, tha drejtori i spitalit për Al Jazeera, në ditën e tretë të rrethimit nga Izraeli të objektit më të madh mjekësor.
Drejtori i spitalit, Muhammed Abu Salmiya, tha se kishte 7,000 njerëz në spital – pacientë, staf mjekësor dhe ata që strehoheshin dhe se mjekët po punonin ende për të ndihmuar pacientët.
Salmiya tha se spitali ishte bërë një burg i madh dhe një varr masiv për të gjithë ata që ishin brenda.
“Ne kemi mbetur pa asgjë, pa energji, pa ushqim, pa ujë, me çdo minutë që kalon, ne po humbasim një jetë. Gjatë natës humbëm 22 persona, [dhe] për tre ditët e fundit spitali është mbajtur nën rrethim”, citohet të ketë thënë Salmiya nga Al Jazeera, përcjell Klankosova.tv
ABC News i Amerikës kishte raportuar të mërkurën se 43 nga 63 pacientët kishin vdekur pasi oksigjeni kishte mbaruar për shkak të rrethimit të Izraelit.
Dr Ahmed Mokhallalati, kreu i departamentit të kirurgjisë plastike të spitalit, i tha kanalit amerikan të lajmeve se ata po varrosnin trupat brenda ambienteve të spitalit.
Forcat izraelite të mbrojtjes hynë në spital të mërkurën nën mbulimin e bombardimeve të rënda pas disa ditësh të rrethimit të tij me tanke.
IDF pohon se spitali është një qendër e rëndësishme komanduese për Hamasin, një pretendim që grupi militant e ka mohuar
