Konsumimi i tepërt i alkoolit rrit rrezikun e disa problemeve të lidhura me trurin si demenca, goditjet në tru dhe depresioni, tregojnë studimet.
Hulumtimet e reja kanë treguar se sa kohë i duhet trurit për të rikuperuar dëmet e shkaktuara nga alkooli .
Shkencëtarët nga Universiteti Stanford zbuluan se trurit i duhen 7.3 muaj për t’u rikuperuar. Gjatë asaj periudhe, alkoolistët që kanë ndaluar së piri kanë rifituar trashësinë e përgjithshme të trurit, zbuluan studiuesit.
Këto rezultate mbështesin efektet adaptuese dhe të dobishme të këndelljes së qëndrueshme në rikuperimin strukturor të trurit – thuhet në studim.
Studimi, i botuar në revistën “Science Direct”, trajtoi ndikimin e maturisë në trurin e alkoolistëve. Ata u kërkuan 133 njerëzve – 88 prej tyre alkoolikë – të ndalonin së piri dhe analizuan trurin e tyre për të parë se si ndikon kjo tek ata.
Pas shtatë muajsh, trashësia e korteksit cerebral u përmirësua ndjeshëm në shumicën e njerëzve me varësi nga alkooli. Shkencëtarët thanë se kjo sugjeron që truri mund të riparojë dhe rigjenerojë strukturën e tij kur alkooli nuk është më një faktor.
Megjithatë, ata paralajmëruan se studimi u krye në një numër të vogël njerëzish dhe se duhet bërë më shumë kërkime për të konfirmuar gjetjet pozitive.
