Kryetari i LDK-së, Lumir Abdixhiku, tha se mund të shkruhet libër i veçantë për mënyren se si sillen zyrtarët e Qeverisë Kurti me ndërkombëtarët.
Ai tha se për sjelljen e tyre merr shumë mesazhe nga diplomatët europianë.
“Më besoni, mesazhet që i marrë nga diplomatët europianë që janë anëtarë të partive popullore janë të kapjes së kokës prej sjelljeve të njerëzve. Sjellje abdurde në takime, në gjuhë, në komunikim, në mënyrën e trajtimit, flasin për tema historike për revolucione, flasin për luftën e dytë botërore, bëjnë gjeste”, tha Abdixhiku në Pressing në t7,
“Më besoni është libër i veçantë që duhet shkruar për sjelljen e njerëzve të kësaj qeverie para botës. Këta sillen sikur para një tubimi partiak këtu në Kosovë dhe sillen me krejt botën kështu”, u shpreh ai.
“Atje je në garë për me marrë vëmendjen e tyre, e ata thojnë a janë normal këta? E je në garë me një Serbi që është duke investu met madhe për me marrë mbështetjen e tyre”, tha Abdixhiku.
