Zëvendësministri i Drejtësisë, Blerim Sallahu, ka njoftuar se pas finalizimit të plotësim ndryshimit të Traktatit për Ekstradim në mes Kosovës dhe Italisë, ky shtet do të bëhet shteti i parë evropian që obligohet t’i ekstradojë shtetasit e vet drejt Kosovës.
Ai ka thënë se kjo marrëveshje ka ardhur si pasojë e besimit të shtetit italian ndaj kushteve dhe trajtimit adekuat që ofron Shërbimi Korrektues i Kosovës për të gjithë të burgosurit pa dallim.
“Falënderuam ambasadorin italian dhe ekipin e tij negociues për angazhimin dhe përkushtimin si dhe ndihmën e pakursyer në raport me Republikën e Kosovës, me fokus të veçant në luftimin e krimit dhe korrupsionit”, shkroi ai në Facebook.
