Shumica e 150 të burgosurve palestinezë që pritet të lirohen si pjesë e marrëveshjes së armëpushimit të Gazës ndërmjet Izraelit dhe Hamasit janë fëmijë.
Autoritetet izraelite kanë arrestuar mijëra fëmijë palestinezë nga të gjithë territoret e pushtuara, përfshirë Jerusalemin Lindor, gjatë dekadave të fundit dhe i kanë nënshtruar ata ndaj sistemit të gjykatës ushtarake të Izraelit, raporton Al Jazeera,
“Akuza më e zakonshme e ngritur kundër fëmijëve është gjuajtja e gurëve, një krim që dënohet sipas ligjit ushtarak deri në 20 vjet burg,” shpjegon Addameer, një grup mbështetës dhe mbrojtës i të burgosurve palestinezë.
Sipas degës së Palestinës Ndërkombëtare të Mbrojtjes për Fëmijët (DCI-Palestine), 500 deri në 700 fëmijë palestinezë midis moshës 12 dhe 17 vjeç ndalohen, merren në pyetje, ndiqen penalisht dhe burgosen nga Izraeli çdo vit.
