Sindikata e Pavarur e Minatorëve të Trepçës përmes një reagimi të premten mbrëma ka thënë se pagat e tyre nuk kanë dalë as pas datës 24 nëntor, duke shtuar se marrëveshja e arritur me Bordin është shkelur.
Në reagimin për media thuhet se marrëveshja e arritur me Bordin javë më parë “është thyer nga ata që e negociuan”.
“Ku e lamë, e ku na mbeti…! Edhe pas datës 24 nuk është realizuar paga e minatorëve të Trepçës së Kosovës. Marrëveshja e arritur si rezultat i grevës është duke u shkelur nga Bordi dhe deputetët negociatorë, minatorët kërkojnë t’i përmbahen marrëveshjes”, thuhet në komunikatë.
Sipas sindikatës, minatorët janë tradhtuar nga Bordi dhe deputetët.
“Minatorët janë të tradhtuar. Marrëveshja është thyer nga ata që e negociuan”
