Kreu i LDK-së, Lumir Abdixhiku, ka reaguar pasi Gjykata Kushtetues e Kosovës ka rrëzuar në tërësi Ligjin e Qeverisë Kurti për caktimin e çmimeve,
Abdixhiku ka thënë se ashtu siç pritej, Gjykata Kushtetuese e ka hedhur poshtë edhe një ligj të Qeverisë Kurti, të cilës i është referuar si Qeveria më antikushtetuese që ka pasur Kosova ndonjëherë.
Kreu i LDK-së ka thënë se VV dhe Qeveria mund edhe të ankohen se “si një ligj antikushtetuese nuk zë vend”.
“Çfarë mend kanë, do të ankohen – sikurse deri më tani – se si një ligj antikushtetues nuk zë vend. Merreni me mend, një kryeministër që ankohet se nuk po e lënë ta shkelë Kushtetutën. Sepse për ta, Republika është në shërbim të tyre”, ka shkruar Abdixhiku,
Reagimi i plotë:
Siç edhe pritej, siç edhe kishim thënë gjithherë, Gjykata Kushtetuese e Kosovës hodhi poshtë EDHE NJË LIGJ, në gjithë tërësinë e tij, të qeverisë më antikushtetuese që ka pasur Kosova ndonjëherë.
Duke e cilësuar ‘ligjin për çmimet tavan’ si ligj në kundërshtim me vlerat bazike të lirisë ekonomike të Republikës, kjo gjykatë shpërfaqi jo vetëm paaftësinë e kësaj qeverie por dhe tendencat e tyre që me vetëdije të shkelin Kushtetutën.
Kryeministri e ministrat rend mburreshin me këtë ligj.
Kryeministri e ministrat mburreshin me paditurinë.
Ju thoshim se s’bën, nuk kuptuan. Ju treguam si të bëhet, nuk dëgjuan. Ju thoshim se do të rrëzohet, u rrëzua. Tani nuk di cila është më e rëndë; paaftësia apo shkelja kushtetuese? Apo lënia e qytetarëve pa politikë adekuate e kushtetuese tash e dymbëdhjetë muaj.
Çfarë mend kanë, do të ankohen – sikurse deri më tani – se si një ligj antikushtetues nuk zë vend. Merreni me mend, një kryeministër që ankohet se nuk po e lënë ta shkelë Kushtetutën. Sepse për ta, Republika është në shërbim të tyre.
Për ne, Lidhjen Demokratike, Republika mbetet mbi të gjitha
