Në mesin e të arrestuarve si të dyshuar për vrasjen e Liridona Murselit në Prishtinë është edhe pjesëtari i Forcës së Sigurisë së Kosovës, K.K.
Ministria e Mbrojtjes ka thënë se ky rast do të trajtohet brenda organeve të FSK-së, sipas rregulloreve dhe ligjeve në fuqi, .
“Organet e drejtësisë janë duke hetuar rastin, por gjithashtu ky rast do të trajtohet edhe brenda organeve përgjegjëse të FSK-së, sipas rregulloreve dhe ligjeve në fuqi”, thuhet në njoftim.
“Ministria e Mbrojtjes dhe Forca e Sigurisë së Kosovës shpreh ngushëllime të sinqerta familjes së viktimës. Siguria dhe mbrojtja e qytetarëve tanë është obligim!”
Përndryshe për vrasjen e Liridona Murselit janë arrestuar edhe dy persona të tjerë, bashkëshorti i saj dhe një tjetër, i cili dyshohet të jetë dorasi.
