Ish-kryeministri Sali Berisha ka deklaruar sot se kryeministri Edi Rama nuk largohet me votë, por vetëm me mosbindje civile
Berisha i pranishëm në diskutimet për buxhetin e vitit 2024 me mbështetësit e tij dhe specialistë, bëri thirrje për revolta dhe mosbindje civile.
Sipas tij beteja ka nisur në Parlament dhe ajo çka deputetët demokratë po bëjnë, tha Berisha- është betejë kundër grushtit të shtetit.
“E thatë bukur që duhet të protestojmë. Dhe ajo që po bëjmë në parlament, kërkoj mirëkuptimin tuaj dhe të gjithë shqiptarëve. Ajo është betejë kundër grushtit të shtetit. Në mënyrë absolute, Edi Rama ka kryer grusht shteti brenda shtetit.
Ndaj është në detyrimin tonë më madhor si intelektualë, që në natyrën tonë duhet të jemi avoketër të pamposhtur të interesit publik, duhet të bëjmë gjithçka të ngrihemi kundër këtij regjimi, të nxisim kudo revoltën, të nxisim kudo mosbindjen civile”, tha ndër të tjera Sali Berisha.
“Aspekti më dramatik i këtij megakorrupsioni, këtij megavjedhje, qëndron në pandëshkueshmërinë. Edi Rama që firmos edhe lejen e ndërtimit të një banese, dy kate apo tre kate, Edi Rama ka vendosur një kontroll total mbi drejtësinë dhe e përdor atë vetëm kundër personave të caktuar midis tyre, nga të cilët do të çlirohet.
Dhe ajo që është më e rënda, se përpiqet publikisht të gjithë përgjegjësinë ta shkarkojë.
Ky është njeriu që nuk mban asnjë lloj përgjegjësie.
E thamë, përdorimin e tokës për ndërtim. Një nga njerëzit që ka shkelur në mënyrën më thelbësore ligjin, është vetë ai.
Ajo pronë prej 5 mijë metrash është marrë në kundërshtim me ligjin. Me dokumente.
Por për të, ligji nuk ekziston, ligji është për të tjerët, për veten e tij ai ka kompetenca të tjera.
Pa diskutim që sugjerimet tuaja jashtëzakonisht të çmuara, do të jenë dhe do shndërrohen në pjesë thelbësore të alternativës tonë në të gjitha fushat, në infrastrukturë, bujqësi, energji, sport.
Harrove të thuash, i vetmi fakt dhe që i dha sukses ekipit është se nuk e pushtoi dot me Olsi Ramën. Se nëse do pushtonte federatën me Olsi Ramën, nuk do kishim futboll, por narkofutboll.
E thatë bukur që duhet të protestojmë. Dhe ajo që po bëjmë në parlament, kërkoj mirëkuptimin tuaj dhe të gjithë shqiptarëve. Ajo është betejë kundër grushtit të shtetit. Në mënyrë absolute, Edi Rama ka kryer grusht shteti brenda shtetit.
Sot kemi për herë të parë në 32 vite një qeveri moniste të një partie të vetme
Pastaj kemi një drejtësi të vendosur e tëra në kontrollin e Edi Ramës.
Dhe tani, ajo që kishte mbetur, kishte mbetur një grup parlamentar me kompetenca kushtetuese, por të rëndësishme. E drejta kushtetuese e deputetëve për të krijuar komisione parlamentare, në kushtet e sotme, është rruga e vetme për qytetarët për të ushtruar sovranitetin e tyre.
Sovraniteti i brendshëm i një vendi është fuqia e një populli për të kontrolluar pushtetin e qeverisë. Ky nuk ushtrohet sot në asnjë lloj forme.
Përpiquni ju, merrni 200 mijë firma për referendum. Nuk bëhet dot asnjë referendum sepse ka kontroll të plotë mbi Gjykatën Kushtetuese.
Parlamentarëve u jep Kushtetuta të drejtën e vetos. Kur bëhen një e katërta, ata mund të kontrollojnë qeverinë. Dhe këtë ai e bllokon.
Nuk ka asgjë më të rëndësishme se aty ku lind padrejtësia, të protestohet.
Sot jemi në diktaturë. Diktatura nuk është gjë tjetër veçse përqendrim i të gjitha pushteteve në një dorë. Kurrë ndonjëherë nuk ka pasur një përqendrim kaq ekstrem në një dorë të pushteteve.
Ndaj dhe e thotë Heminguej diku, detyra e shkrimtarit është të luftojë me penë dhe pushkë. Unë nuk them të luftojmë me pushkë. Por luftohet me mosbindje civile, kjo është rruga e vetme.
Mosbindja civile është faktuar si rruga më e suksesshme për përmbysjen e diktaturave.
Edi Rama nuk largohet me votë, Edi Rama largohet vetëm me mosbindje civile.
Ndaj është në detyrimin tonë më madhor si intelektualë, që në natyrën tonë duhet të jemi avoketër të pamposhtur të interesit publik, duhet të bëjmë gjithçka të ngrihemi kundër këtij regjimi, të nxisim kudo revoltën, të nxisim kudo mosbindjen civile.
Sepse do mblidhemi prapë për buxhetin e vitit 2025. Është lule ky se si do jetë ai mbrapa.
Ndaj ju falënderoj shumë për ndërhyrjet tuaja shumë të dobishme dhe ju garantoj se do jenë elementë thelbësorë të programit që ju do hartoni dhe janë përgjigjia më e mirë për problemet me të cilat përballet çdo sektor.
Ndaj ju ftoj që të bëjmë gjithçka aty ku jemi, të nxisim revoltën, të nxisim mosbindjen civile.
Vetëm revolta dhe mosbindja civile janë kushti i të gjitha kushteve për të adresuar problemet jashtëzakonisht të rëndësishme që shtruat në këtë takim”, tha Berisha
