Teknologjia e re mund të shpëtojë mijëra e mijëra jetë. Është një mitër artificiale, një kopje e vërtetë e mitrës njerëzore dhe që mund të ndihmojë foshnjat e lindura para kohe të mbijetojnë. Testet janë ende në vazhdim, por rezultatet janë shumë premtuese.
Projekti, i promovuar nga Fondacioni Umberto Veronesi, përfshin një teknologji inovative. Mitra artificiale është një lloj “qese” e krijuar për të imituar mjedisin në të cilin zhvillohet një fetus. Kjo është një teknologji që mund të shpëtojë shumë foshnja të lindura para kohe, pasi do t’i lejojë këta fëmijë të vazhdojnë të rriten në barkun artificial.
Për momentin, testet shkencore të kryera te kafshët po japin rezultate shumë premtuese. Lindja e parakohshme është një sfidë vërtet mbresëlënëse.
Sipas OBSH-së, një i porsalindur mund të konsiderohet i parakohshëm kur lind para javës së 37-të të shtatzënisë. Kjo gjendje çon në paaftësi dhe vdekshmëri tek fëmijët nën 5 vjeç.
Periudha më delikate për mbijetesën dhe parandalimin e problemeve në të ardhmen është midis javës së 22 dhe 28 të shtatzënisë. Organet më të prekura nga prematuriteti janë mushkëritë, pasi ato zhvillohen në fazat e avancuara të shtatzënisë.
Falë mitrës artificiale, foshnjat e lindura para kohe mund të vazhdojnë të zhvillohen jashtë mitrës së nënës së tyre.
Mitra artificiale është një “qeskë” e mbushur me lëng amniotik. Pasi lind foshnja, vendoset në qese dhe lidhet kordoni i kërthizës. Gjaku pastrohet dhe gjithashtu merr lëndë ushqyese dhe oksigjen.
Është e rëndësishme të theksohet se mitra artificiale nuk synon të zëvendësojë plotësisht mitrën e nënës. Studiuesit kanë përcaktuar qartë qëllimin e tyre, i cili është t’u japin të sapolindurve të lindur midis javës së 22 dhe 28 të shtatzënisë një shans për jetë dhe t’i lejojnë ata të vazhdojnë zhvillimin brenda mitrës artificiale./Informim/
