Lajmin për viziten e tij në kampin ushtarak të KFOR-it, “Villaggio Italia”, Ambasadori Malaj e ka dhënë nëpërmjet postimit në profilin e tij në rrjetet sociale.
Kjo vizitë është ndërlidhur me rastin e 111 vjetorit të themelimit të Ushtrisë Shqiptare. Me këtë vizitë, përveq takimit me Komandantin Vacca, Ambasadori i ka takuar edhe oficerët dhe ushtarët e Ushtrisë Shqiptare të cilët shërbejnë në këtë bazë.
Ky është postimi i plotë i Ambasadorit Malaj: Me rastin e 111-Vjetorit të Krijimit të Ushtrisë Shqiptare, i shoqëruar nga Atasheu Ushtarak Kolonel Altin Kurti, me datë 04.12.2023, ishim për vizitë në Komandën Rajonale Perëndimore të KFOR, në Pejë.
Aty u pritëm me nderime nga efektivët e Foracve të Armatosura të RSH, ku i uruam për ditën e Forcave të Armatosura. Në ceremoninë e oragnizuar për këtë ngjarje, u shpreha – “Në emër të Qeverisë Shqiptare dhe në cilësinë e Ambasadorit të Republikës së Shqipërisë, jam i nderuar t’u përcjell urimet më të sinqerta burrave dhe grave të Forcave të Armatosura të Republikës së Shqipërisë, që shërbejnë në misionin paqeruajtës në KFOR, me rastin e 111-Vjetorit të Krijimit”.
Gjithashtu u prita edhe nga Komandanti i Komandës Rajonale Perëndimore të KFOR, Kolonel Gabriele Vacca i cili më uroi për ditën e Forcave të Armatosura, dhe më informoi për performancën e shkëlqyer të efektivëve tanë, nën komandën e tij.
