Kryeministri i Kosovës, Albin Kurti, ka postuar një video në Facebook, ku në mbishkrim ka thënë se brenda pesë ditëve janë vendosur tre gurthemele për tri çerdhe të reja dhe një shkollë e re në katër komuna.
Më tutje, Kurti ka thënë se kujdesi dhe përgatitja e gjeneratave të reja duhet të fillojë herët, sa më herët.
“Tre gurthemele për tri çerdhe të reja dhe një shkollë e re në katër komuna brenda pesë ditëve. 320 parashkollorë në Podujevë, Deçan dhe Prizren do të kenë hapësira të reja të edukimit të hershëm, kurse filloristët e fshatit Vrajakë dhe Bratotin të komunës së Rahovecit tashmë gëzojnë objektin e ri të shkollës fillore dhe të mesme të ulët “Tre Dëshmorët”.
“Kujdesi dhe përgatitja e gjeneratave të reja duhet të fillojë herët, sa më herët. Prandaj edukimi i hershëm është vendimtar për zhvillimin e fëmijëve tanë, e çerdhja dhe shkolla janë vendi ku shteti për herë të parë dëshmohet para tyre”, ka shkruar Kurti.
