Raphael Varane mund të largohet nga Manchester United si lojtar i lirë në verën e vitit 2024, ndërsa në kohën e fundit ai nuk preferohet si lojtar startues.
Ndeshja ndaj Bayern Munich në Ligën e Kampionëve të mërkurën ishte paraqitja e tij e parë që nga nëntori
Ai ka qenë në stol në tre nga katër ndeshjet e fundit në Ligën Premier dhe nuk ishte në skuadër kundër Chelseat, ndërsa tani është zbuluar se ai mund të largohet nga Man United këtë verë si lojtar i lirë.
The Athletic shkruan se kontrata e Varane përfundon një vit më herët se sa ishte publikuar fillimisht.
Më parë mendohej se marrëveshja e fituesit të Kupës së Botës do të përfundonte pas dy vitesh, siç njoftoi Man United, në njoftimin e tyre, ku thuhej se francezi do të jetë në klub deri në qershor 2025
Sidoqoftë, marrëveshja skadon në fund të këtij sezoni, me Djajtë e Kuq që kanë një opsion për të zgjatur marrëveshjen. Nëse nuk e bëjnë këtë, Varane mund të diskutojë një transferim falas me klubet e huaja nga 1 janari 2024
Djajtë e Kuq i paguajnë Varanes rreth 15 milion euro në sezon, gjë që mund ta shtyjë klubin që të mos e përdorë klauzolën e vazhdimit.
30-vjeçari ka dy opsione në tavolinë, ku Bayern Munich dhe Saudite Pro League kanë bërë oferta për të.
