23 
Shqiptarët e Preshevës e kanë zërin e tyre sërish në parlamentin serb, kjo pasi Shaip Kamberi arriti të fitojë edhe një mandat të deputetit, nga zgjedhjet që u mbajtën dje.
Në një postim në “X”, Kamberi shprehet se beteja politike e shqiptarëve të Luginës së Preshevës do të vazhdojë në parlamentin e Serbisë.
Ai tha se do ta konfrontojë Qeverinë e Serbisë me diskriminimin që u bëhet shqiptarëve atje.
Reagimi i tij i plotë:
Faleminderit votuesve shqiptarë, Beteja Politike e Shqiptarëve të Luginës së Preshevës do të vazhdojë në parlamentin serb pas zgjedhjeve të djeshme.
Ne do të vazhdojmë ta konfrontojmë Qeverinë në Beograd me diskriminimin ndaj shqiptarëve në Luginën e Preshevës!
