Milan e ka nisur me këmbë të mbarë vitin 2024 duke mposhtur Cagliarin me rezultat 4-1 në “San Siro” dhe duke avancuar tutje në Kupën e Italisë.
Mysafirët kërkuan penallti në minutën e tetë, por pas rishikimit në VAR, gjyqtari kryesor sinjalizoi për vazhdimin e ndeshjes
Milan shënoi dy gola në pjesën e parë përmes Luka Jovic (29’ dhe 42’) dhe në të dy golat asistoi francezi Theo Hernandez.
Me epërsi të dyfishtë të Milanit përfundoi 45 minutëshi i parë i kësaj sfide
https://twitter.com/acmilan/status/1742294193995698314?ref_src=twsrc%5Etfw%7Ctwcamp%5Etweetembed%7Ctwterm%5E1742294193995698314%7Ctwgr%5Eb31fed47582371c62275e25290a105816115a2b9%7Ctwcon%5Es1_&ref_url=https%3A%2F%2Ftelegrafi.com%2Fmilan-e-nis-kembe-te-mbare-vitin-2024-mposht-cagliarin-dhe-avancon-tutje-ne-kupen-e-italise%2F
Rossonerët shënuan edhe dy gola të tjerë në pjesën e dytë, duke dhuruar ‘show’ për shikuesit.
Ishte talenti nga akademia Chaka Traore (50’) i cili shënoi për 3-0 me një goditje në mesin e portës.
https://twitter.com/acmilan/status/1742296409779408940?ref_src=twsrc%5Etfw%7Ctwcamp%5Etweetembed%7Ctwterm%5E1742296409779408940%7Ctwgr%5Eb31fed47582371c62275e25290a105816115a2b9%7Ctwcon%5Es1_&ref_url=https%3A%2F%2Ftelegrafi.com%2Fmilan-e-nis-kembe-te-mbare-vitin-2024-mposht-cagliarin-dhe-avancon-tutje-ne-kupen-e-italise%2F
E tëra çfarë Cagliari mund të bënte në këtë takim, ishte goli i Paulo Azzit (88’) për rezultatin 3-1
Teksa ndeshja po shkonte drejt fundit, në listën e realizatorëve u fut edhe Rafael Leao (91’) që shënoi për rezultatin përfundimtar të takimit 4-1.
Në këtë ndeshje Stefano Pioli i ka dhënë mundësinë atyre lojtarëve që kanë pasur më pak minuta në këmbë gjatë këtij sezoni.
Pas kësaj fitoreje, Milani në fazën çerekfinale do të përballet me fituesin e ndeshjes Atalanta – Sassuolo, ndeshje kjo e cila do të zhvillohet nesër (e mërkurë) me fillim nga ora 18:00
