Torino ka njoftuar se ka rinovuar marrëveshjen me Mergim Vojvodën.
Reprezentuesi i Kosovës do të jetë pjesë e skuadrës italiane deri në vitin 2025.
Këtë gjë, Torino e bëri të ditur përmes rrjeteve sociale të tyre, duke bërë të ditur se Vojvoda do të qëndrojë deri në qershor të vitit të ardhshëm.
“Klubi i futbollit Torino ka kënaqësinë të njoftojë se ka ushtruar opsionin për të vazhduar kontratën e lojtarit Mergim Vojvoda deri më 30 qershor 2025”, thuhet fillimisht në njoftim
“Mergim Vojvoda ka lindur më 1 shkurt 1995. Ai u rrit si futbollist në ekipet e të rinjve të Standard Liege, dhe bëri debutimin e tij në ligën e parë belge me fanellën Royal Excel Mouscron në sezonin 2016-2017”.
“Pas tri vitesh, gjatë të cilave ai bëri 103 paraqitje në ligë dhe kupa – gjithashtu duke shënuar dy gola – ai u kthye në Standard Liège ku luajti edhe një sezon”.
“Në Toro që nga gushti 2020, me Granata ai krenohet me 103 paraqitje dhe 3 gola. Për të edhe 53 ndeshje dhe 2 gola me kombëtaren e Kosovës”, përfundon komunikata e Torinos
https://twitter.com/TorinoFC_1906/status/1742478632163967311?ref_src=twsrc%5Etfw%7Ctwcamp%5Etweetembed%7Ctwterm%5E1742478632163967311%7Ctwgr%5Eb8f825775a2ccd3a2e855862fa8fe4f258c2ec7e%7Ctwcon%5Es1_&ref_url=https%3A%2F%2Ftelegrafi.com%2Fzyrtare-mergim-vojvoda-vazhdon-torinon%2F
