Milan do të përballet me Empolin në transfertë të dielën. Në kuadër të takimit të Serie A, ka dalë në konferencë për shtyp trajneri i kuqezinjve, Pioli.
“Një, fitore, vetëm kaq na duhet. Nëse fiton, do të thotë se i ke bërë gjërat si duhet. E vetmja gjë që ka rëndësi është fitorja. Ne po bëjmë mirë këto kohë sepse fituam dy ndeshjet e fundit”.
Cila është situata e Kruniç?
“Në këtë moment për të dhe për ne është më mirë që ai të kërkojë një ekip tjetër.
Cilat janë hijet e pjesës së parë të sezonit, flas për ndeshjet jashtë?
“Mos-fitimi i ndeshjeve jashtë për një kohë të gjatë dhe rikuperimi pas periudhës së pushimit të dytë ku morëm dy pikë në katër ndeshje, këto e kanë penalizuar shumë renditjen tonë. Ne duhet të bëjmë një rikthim shumë më të fortë”, – tha ai.
