Kryeministri dhe ministri i Jashtëm i Katarit, Mohammed bin Abdulrahman Al-Thani, ka thënë se vrasja e fundit e një udhëheqësi të lartë të Hamasit mund të ndikojë në negociatat e vazhdueshme për të siguruar lirimin e pengjeve të mbajtura në Gaza.
Një zyrtar amerikan ka bërë të ditur se Izraeli kreu sulmin të martën e kaluar në Bejrut, duke vrarë kështu udhëheqësin e lartë të Hamasit, Saleh Al-Arouri, gjë për të cilën Izraeli nuk e mori përgjegjësinë, shkruan CNN, transmeton Klankosova.tv.
Al-Thani u pyet nëse vdekja e Arourit mund të ndikojë në bisedimet për lirimin e më shumë se 100 pengjeve që besohet se mbahen ende në Gaza pas sulmeve të 7 tetorit.
“Sigurisht, vrasja e një prej liderëve të lartë të Hamasit është diçka që mund të ndikojë në një proces kaq të ndërlikuar”, është shprehur Al-Thani.
