Zëvendëskryeministri i Kosovës, Besnik Bislimi, ka treguar se në Vjenë është takuar me emisarin e Bashkimit Evropian për dialogun Kosovë-Serbi, Miroslav Lajçak, i cili më parë ka treguar për takimin që e kishte me Bislimin.
Ky i fundit në platformën “X”, ka thënë se në takim është folur për nevojën e zbatimit të plotë dhe të shpejtë të udhërrëfyesit të energjisë dhe çështjet në lidhje me lirinë e lëvizjes.
“U takuam sot në Vjenë me EUSR Lajçak për të diskutuar çështje të lidhura me dialogun. U fol për nevojën e zbatimit të plotë dhe të shpejtë të udhërrëfyesit të energjisë dhe çështjet në lidhje me lirinë e lëvizjes, në letrën e Beogradit për tërheqje nga marrëveshja”, ka thënë Bislimi.
Po ashtu, ai ka thënë se u bisedua edhe për çështjen e aneksit të marrëveshjes mes Kosovës dhe Serbisë
”Çështje të tjera u ngritën që lidhen me urgjencën për implikim të plotë dhe të pakushtëzuar të Marrëveshjes Themelore. Theksova se shtytja e propozimit për njohjen e pasaportave të paligjshme KU të lëshuara nga Serbia, ndikon negativisht në procesin integrues dhe dëmton rëndë dialogun”, ka thënë Bislimi.
1/2 Met today in Vienna w/EUSR Lajcak to discuss dialogue related issues. Talked about the need for full & swift implementation of the energy roadmap & issues regarding freedom of movement, to Belgrade's letter of withdrawal from the agreement. pic.twitter.com/H1SlIdftSZ
— Besnik Bislimi (@BislimiBesnik) January 15, 2024
