Erling Haaland ka rrëmbyer çmimin kryesor në “Globe Soccer Awards”, në gala mbrëmjen e organizuar sonte në Dubai.
Ylli norvegjez fitoi çmimin “Futbollisti më i Mirë i Vitit”, për vitin 2023, shkruan Gazeta Express.
Haaland pati një sezon fantastik me Manchester Cityn, duke ndihmuar skuadrën angleze në triumfin historik të tripletës; titullit të kampionit në Premierligë, Ligën e Kampionëve dhe triumfin në Kupën FA.
Ai gjithashtu gjatë vitit të kaluar mori edhe Superkupën e Evropës me “Qytetarët”, si dhe Kupën e Botës për Klube.
Ai gjithashtu mori edhe shumë çmime individuale gjatë kësaj periudhe, si dhe theu rekorde me gola.
