Si pasojë e një problemi në sistem, disa qytetarë të Kosovës sonte kanë pritur me orë të tëra në pikën kufitare të Bozhajt, pasi sistemi i Interpolit vazhdimisht u ka shfaqur paralajmërime policisë për secilin kosovar duke i shfaqur si “të kërkuar”
Megjithatë siç raporton “Vijesti”, Drejtori i Policisë ka treguar se problemi është rregulluar rreth orës 20:30 dhe më pas kanë mundur të lejojnë së paku tetë shtetas të Kosovës që të kalojnë në Kosovë.
“Vijesti”, shkruan se policët në pikën kufitare e kanë pasur të qartë se ndoshta ka pasur problem me aplikacionin e Interpolit, megjithatë për shkak të kontrolleve nuk kanë mundur t’i lënë qytetarët e Kosovës të kalojnë kufirin.
Një burim për “Vijesti” ka thënë se ky lloj problemi në përdorimin e aplikacionit Interpol “ndodh shumë rrallë”
“Prandaj do të kontrollojmë se çfarë e ka shkaktuar këtë”, ka thënë burimi i “Vijesti”
