Izraeli i ofroi Hamasit, me ndërmjetësimin e Katarit dhe Egjiptit, një pauzë dy-mujore në luftimet dhe bastisjet në Gaza në këmbim të lirimit të të gjithë pengjeve, njoftoi mbrëmjen e të hënës, faqja amerikane Axios.
Ky propozim nuk nënkupton fundin e luftës në Gaza, por një armëpushim të dytë. E para, e cila zgjati një javë, pa lirimin e rreth njëqind pengjeve në këmbim të të paktën 240 të burgosurve palestinezë të mbajtur në burgjet izraelite.
Sipas autoriteteve izraelite, 132 pengje janë ende në Rripin e Gazës, 28 prej të cilëve besohet se kanë vdekur.
Propozimi izraelit bën thirrje për kthimin e pengjeve të gjalla dhe eshtrat e tyre në Izrael në disa faza, e para prej të cilave do të përfshinte burra dhe gra mbi moshën 60 vjeç, sipas Axios,. Më pas do të vijnë ushtarë femra, meshkuj nën 60 vjeç që nuk janë personel ushtarak, meshkuj izraelitë dhe në fund eshtrat e pengjeve.
Sipas këtij plani, Izraeli dhe Hamasi do të duhet të bien dakord paraprakisht për numrin e të burgosurve palestinezë që do të lirohen në këmbim të secilit peng, sipas kategorisë, dhe më pas të negociojnë emrin e secilit palestinez.
Plani nuk parashikon një fund të luftës midis Izraelit dhe Hamasit apo edhe një zgjidhje politike afatgjatë, por zhvendosjen e ushtarëve izraelitë nga qytetet kryesore të Gazës dhe kthimin gradual të qindra mijëra njerëzve të zhvendosur nga veriu në jug te Gazes në përpjekje për t’i shpëtuar dhunës./Informim/
