69 
Policia konfiskon 59 makina për prodhimin e kriptovalutave në Mitrovicë të veriut. Lajmin e ka konfirmuar zëvendësdrejtori i Policisë për Rajonin e Veriut, Veton Elshani i cili bëri të ditur se për këtë rast nuk ka asnjë person të arrestuar.
Policia e Kosovës sot paradite ka ndërhyrë në dy shëtpi në Mitrovicën e Veriut dhe ka konfiskuar 59 makina për prodhimin e kriptovalutave.
“Sot në orët e paradites pas pranimit të informacioneve nga qytetarët, policia ka ndërhy në dy shtëpi në Mitrovicën e Veriut ne rrugën “Çeta e Minatorëve” dhe ka konfiskuar 59 makina për mihjen e kriptovalutave.
Dogana e Kosovës i ka pranuar këto duke marr parasysh se kjo është kundërvajtje doganore. Nuk ka të arrestuar”, ka thënë Elshani KosovaPress.
