Kryetari i Partisë Demokratike të Kosovës (PDK), Memli Krasniqi, në selinë e partisë të mërkurën ka pritur Shefin e Zyrës së BE-së në Kosovë, Tomas Szunyog, Ambasadorin e Francës, Olivier Guerot, Ambasadorin e Gjermanisë, Jorn Rohde dhe Ambasadorin e Italisë, Antonello De Riu.
Në takimin e përbashkët, Krasniqi ka njoftuar se është diskutuar për zhvillimet e përgjithshme në vend, me theks të veçantë ato politike dhe të sigurisë
Po ashtu, ai ka thënë se i ka siguruar ambasadorët se PDK-ja do të luajë rol konstruktiv në sfidat e Kosovës.
“Ambasadorët evropianë i falënderova për përkushtimin dhe kontributin e tyre në kultivimin e paqes, sigurisë dhe stabilitetit në Kosovë dhe i sigurova se edhe sot, kur Kosova po kalon nëpër sfida të natyrave të ndryshme, PDK do të luaj rolin e saj konstruktiv që i shërben interesit qytetar dhe të ardhmes euro-atlantike të shtetit tone”, ka shkruar Krasniqi në Facebook.
