Lexoni horoskopin e ditës për të zbuluar se çfarë kanë rezervuar yjet për ju: parashikimet astrologjike të ditës së sotme, e hënë 29 janar 2024, për secilën shenjë të zodiakut. Gjithçka për dashurinë, punën, mirëqenien dhe fatin.
Dashi: Sot shumë nga idetë dhe mendimet tuaja nuk do mund të pranohen dhe keni për të pasur edhe probleme e mërzitje. Nëse jeni në një lidhje ka mundësi që ta lini pas dore partnerin tuaj dhe dikush tjetër do ua rrëmbejë nga duart. Nëse jeni beqarë nuk do doni për asnjë çast ta ndryshoni statusin tuaj edhe pse në fakt mundësitë që do iu jepen do jenë te jashtëzakonshme. Në punë asgjë nuk ka për t’iu shkuar si keni menduar dhe në shumë momente do mendoni të hiqni dorë nga gjithçka. Financat do arrini t’i mbani gjithë kohës nën kontroll kështu që në këtë sektor nuk do keni për çfarë të qaheni.
Demi: Mundohuni të mos i lini gjërat e sotme për nesër sepse keni për të pasur probleme, Mundohuni gjithmonë të kontrolloni edhe nervat e të mos e lini veten pas dore. Nëse jeni në një lidhje përkëdhelni dhe shprehjani dashurinë atij që keni në krah sepse përndryshe ai mund t’iu ikë nga duart dhe do vuani mjaft më pas. Duhet te mendoni edhe ta surprizoni në ndonjë moment. Ju beqarët do jeni entuziastë gjatë gjithë kohës dhe gati edhe për aventura kalimtare. Rëndësi ka që ju të ndiheni mirë. Në punë vërtet do lodheni e do stresoheni, por keni për të arritur atje ku e keni ëndërruar aq shumë. Të ardhurat do jenë mjaft inkurajuese dhe nuk do keni për çfarë të qaheni.
Binjakët: Sot do jeni më të motivuar dhe më optimistë kështu që çdo gjë do ju shkojë më së miri. Nëse jeni në një lidhje dhe keni pasur debate të forta së fundmi do arrini t’i zgjidhni ato një e nga një dhe do ndiheni më të qetë. Të ardhmen do e shihni me më shumë optimizëm. Ju beqarët mund të keni edhe dashuri me shikim të parë, por historitë që mund të filloni nuk do jenë shumë afatgjata. Në punë do iu jepet një detyrë e re falë së cilës do jeni më të pavarur dhe në një hierarki më të lartë. Në planin financiar do jeni më të matur dhe do arrini t’i zgjidhni të gjitha problemet që keni pasur.
Gaforrja: Sot do e shihni botën me ngjyra dhe do jeni në humor të shkëlqyer. Për çdo gjë do negocioni dhe problemet do i zgjidhni me qetësi. Pas një periudhe jo shume të begatë për ju të dashuruarit, sot gjërat do fillojnë të përmirësohen dhe shpesh do ndiheni të lumtur. Ndjenjat shprehini sa më shumë që të mundeni. Nëse jeni beqarë do keni një ditë të qetë dhe pa ndonjë takim mbresëlënës. Në punë ju do keni nevojë për të tjerët po aq sa dhe ata për ju prandaj do bashkëpunoni gjithë kohës. Në planin financiar do jetë një ditë me fat dhe me shumë përmirësime. Do ndiheni të qetë gjatë gjithë kohës dhe nuk do ju dridhet dora kur të shpenzoni.
Luani: Sot do zgjidheni me humor të shkëlqyer dhe do doni të bëni gjëra të mëdha. Për të mos pasur pengesa ecni me plane dhe mendohuni mirë. Ju të dashuruarit do i keni shumë të qarta idetë dhe do bëni të pamundurën që ta ndryshoni për mirë marrëdhënien që keni. Edhe partneri do përgatisë surpriza të këndshme. Ju beqarët do jeni të vendosur të kërkoni persona me të cilët te filloni lidhje serioze dhe mundësitë nuk do mungojnë. Në punë fati nuk do jetë me ju kështu që duhet të bëni dyfish përpjekje për t’ia dalë. Buxheti do jetë goxha i mirë kështu që nuk do keni për çfarë të merakoseni.
Virgjëresha: Duke kërkuar me ngulm autonomi dhe plotësim dëshirash mund të keni probleme sot. Për ju të dashuruarit kjo do jetë një ditë e vështirë. Për shumë gjëra nuk do merreni vesh me atë që keni në krah, madje edhe kur ta kuptoni që do e keni gabim, nuk do e ulni hundën. Ju beqarët do dini gjithmonë si të joshni dhe shumë gjëra do ju ndryshojnë brenda disa orëve. Në punë, disa zënka me kolegët do ua përkeqësojnë situatën. Nuk do keni më dëshirë për të ecur përpara. Financat do jenë shumë më të kënaqshme dhe investimet që do kryeni nuk do e turbullojnë aspak situatën.
Peshorja: Sot do jeni të gatshëm të bëni edhe ndonjë çmenduri të vogël vetëm për t’u ndier më mirë gjithë kohës. Për ju të dashuruarit kjo e sotmja ka për të qenë një ditë fantastike. Do i shprehini pafundësisht ndjenjat dhe dëshirat, ndërkohë që partneri do jetë i gatshëm t’ua plotësojë ato. Ju beqarët edhe pa bërë asgjë do mund ta gjeni princin tuaj të kaltër dhe do filloni një lidhje të qëndrueshme. Në punë mos u nxitoni për asgjë, por veproni përherë me takt dhe kujdes. Financat do jene goxha të mira, kështu që mund te përfitoni për të kryer ndonjë investim më tepër se zakonisht.
Akrepi: Gjatë ditës së sotme nuk do ndiheni asnjëherë të mërzitur. Planetët do kujdesen që të mos ju largohet asnjë moment buzëqeshja nga fytyra. Jeta juaj sentimentale do jetë e mbushur me kënaqësi dhe emocione gjatë gjithë kohës. Do zbuloni edhe disa karakteristika të reja të partnerit të cilat do ju bëjnë ta dashuroni me më shume pasion atë. Ju beqarët do doni ta ndryshoni sa më shpejt statusin dhe do jeni më flirtues nga më parë. Për fat yjet do i keni pranë për t’iu ndihmuar gjithë kohës. Në planin financiar keni për të pasur fat me shumicë.
Shigjetari: Gjatë kësaj dite do kërkoni të bëni ndryshime rrënjësore në jetën tuaj dhe me pak përpjekje do ja dilni. Për ju që keni një lidhje çdo moment do jetë i këndshëm nëse keni pranë një person të shenjës se gaforres. Momentet romantike do jenë të njëpasnjëshme. Nëse jeni beqarë nuk do e ndieni nevojën e një personin në krah sepse miqtë dhe të afërmit do ua bëjnë çdo moment special. Në punë do vlerësoheni për oratorinë dhe mund t’iu jepet një detyrë e re shumë më e pëlqyeshme për ju. Me financat duhet thjesht të tregoheni më të arsyeshëm dhe nuk do keni tronditje.
Bricjapi: Sot do jeni shumë më të qartë në mendime dhe do gjeni fjalët e duhura për të kërkuar e për të fituar atë që dëshironi. Nëse jeni në një lidhje do keni më shumë besim se kurrë tek partneri dhe marrëdhënia në çift ka për të qenë akoma më e mirë nga më parë. Nëse jeni beqarë do favorizoheni nga Jupiteri dhe do e gjeni shpirtin tuaj binjak. Çdo gjë për ju ka për të qenë si nëpër ëndrra. Në punë do jeni me shumë fat dhe nga ana tjetër mjaft bashkëpunues. Në planin financiar do ju mbështesin gjatë gjithë kohës të afërmit dhe gjendja ka për të mbetur goxha e qëndrueshme.
Ujori: Për ju ka për të qenë një ditë pozitive. Do i merrni gjërat shumë seriozisht në çdo sektor. Nëse keni një lidhje përfitoni për të folur më hapur me partnerin dhe për te marre vendime të rëndësishme. Do jeni të dyja palët në humor dhe do jepni më të mirën nga vetja. Nëse jeni beqarë do flirtoni gjatë gjithë kohës, por për fat të keq nuk do ja dilni dot të bëni për vete asnjë person. Sot nuk do jetë dita juaj më me fat, megjithatë nuk do ndieni mërzitje. Për punën do jetë ditë e përkryer. Mund të guxoni edhe të filloni projektin e madh sepse tashme janë krijuar të gjitha kushtet. Në planin financiar mirë është të mos rrezikoni shumë pasi në të kundërt situata mund t’iu dalë jashtë kontrollit.
Peshqit: Tensioni do fillojë të shuhet sot dhe pas mesditës do ndiheni shumë më të qetë nga më parë. Nëse keni një lidhje do jeni në humor shumë të mire dhe gati t’ia plotësoni të gjitha tekat partnerit. Çdo çast ka për të qenë i mrekullueshëm. Ju beqarët do ndihmoheni nga Merkuri, i cili do iu japë shtysën e duhur për ta ndryshuar statusin. Në punë do ketë ndryshime aq të mëdha saqë ndonjëherë nuk do ju besohet se jeni në realitet. Disa kolegë do ua bëjnë gjërat edhe më të lehta. Në planin financiar do jetë një ditë me fat dhe nuk do e keni aspak të vështirë të kryeni të gjitha shpenzimet e domosdoshme.
