Karim Benzema ishte “rebeluar” në javët e fundit dhe nuk po pranonte të stërvitej me ekipin e tij aktual, Al-Ittihad.
Për sulmuesin francez flitej se do të rikthehej në futbollin evropian pas vetëm gjashtë muajsh të kaluar në Arabinë Saudite.
Mirëpo, mediumi britanik “The Athletic” raporton se ish-futbollisti i Olympique Lyonit dhe i Real Madridit do të qëndrojë në Al-Ittihad së paku deri në verën që vjen,
Afati kalimtar i janarit në Evropë po mbyllet dhe Benzemas i janë mbyllur dyert e rikthimit në Kontinentin e Vjetër
Prandaj, 36 vjeçari tash e tutje duhet të fokusohet tek klubi aktual dhe ta japë maksimumin e tij, së paku deri në verë.
Benzema, bashkë me Cristiano Ronaldon janë dy lojtarët më të paguar në botë.
Rroga e tyre vjetore në klubet përkatëse në Pro Saudi League është 200 milionë euro.
