Presidenti serb Aleksandar Vuçiq dhe ambasadori rus në Serbi Aleksandar Bocan-Hartsenko janë takuar sot në Presidencën serbe.
Takimi mes tyre ndodhi pas pritjeve që Vuçiq i bëri përfaqësuesve të vendeve të QUINT-it dhe të BE-së, Britanisë së Madhe, Francës, Italisë dhe Gjermanisë, si dhe me shefin e delegacionit të BE-së dhe përfaqësuesin e Ambasadës së SHBA-së në Beograd.
Shërbimi për media i presidentit serb njoftoi se nuk do të ketë asnjë njoftim nga takimi i Vuçiq me përfaqësues të QUINT-it dhe BE-së në Beograd.
“Kabineti i presidentit të Republikës së Serbisë njofton opinionin se nuk do të ketë njoftim nga takimi që ai ka mbajtur me përfaqësuesit e QUINT-it dhe BE-së. Çdo fjalë formale do të ishte e tepërt”, thuhet në njoftim, transmetojnë mediat serbe
Ndryshe, në takimin e djeshëm të presidentit serb me ambasadorët e vendeve të QUINT-it është biseduar për rregulloren e Bankës Qendrore të Kosovës e cila ndalon qarkullimin e dinarit serb si valutë për pagesa në territorin e Kosovës.
