Ka filluar të mbahet mbledhja e Këshillit Drejtues të Partisë Demokratike të Kosovës, ku temë e diskutimit është draft-statuti i Asociacionit të komunave me shumicë serbe.
Sipas PDK-së, pranimi i këtij draft-statuti “që përmban kompetenca të qartë ekzekutive” nga ana e Qeverisë Kurti, i ka sjell dëm të madh vendit
“Ky draft-statut prish karakterin unitar të shtetit tonë dhe që është në kundërshtim me Kushtetutën e Republikës së Kosovës dhe rrjedhimisht, Partia Demokratike e Kosovës nuk mund ta mbështesë një propozim të tillë”, thuhet në njoftimin e partisë.
Bëhet e ditur se Këshilli Drejtues i PDK-së po diskuton për mobilizimin e menjëhershëm të gjitha strukturave të partisë për zgjedhjet e ardhshme nacionale, “për të rikthyer besimin e qytetarëve me një Qeveri të re që e rikthen Kosovën në binarët e zhvillimit, integrimit dhe perspektivës për të gjithë”.
