Mbrëmë u bë e ditur nga “The Telegraph” se futbollit po i bashkohet edhe një karton tjetër, kartoni blu.
Momentalisht, në lojën e bukur të futbollit janë të përfshirë vetëm kartoni i verdhë dhe ai i kuq, por si duket kjo gjë do të ndryshojë së shpejti.
Sipas spekulimeve, kartoni blu po i bashkohet futbollit, me rolin e tij që do të jetë ndëshkimi i ndërhyrjeve cinike, apo mospajtimi me vendimet e gjyqtarit.
Por, tani ka reaguar FIFA, e cila provën për kartonin blu e cilësoi të gabueshme dhe të parakohshme.
“Çdo provë e tillë, nëse zbatohet, duhet të limitohet në testim më të përgjegjshëm në nivele më të ulëta”, shkroi FIFA në “X”, ish-Twitter.
