Deputeti i Lëvizjes Vetëvendosje, Salih Zyba i është referuar deputetit të Partisë Demokratike të Kosovës, Hisen Berishës si “komunist” dhe “djali i komunistit”.
Kjo shkaktoi përplasje mes dy deputetëve, me Berishën që kërkoi përjashtimin e Zybës nga mbledhja, duke thënë se nëse këtë s’e bën kryetari i Komisionit, do ta bëjë ai vetë,
Kryetari i Komisionit, deputeti i Aleancës për Ardhmërinë e Kosovës, Bekë Berisha ndërhyu duke i kërkuar Zybës të ndalet.
Salih Zyba: Një person që komunizmin ka dëshirë me e përdorë në secilën të dytën fjalë, një ish-komunist, djali i komunistit, nuk e di çka po do ky ma shumë. S’mund të na bësh neve komunista me zor kur nuk kemi qenë. Po e citoj një autor: një komunist nuk mund të kthehet…
Hisen Berisha: Unë jam komunist sipas teje a? Ku e di ti kush jam unë? Kush të ka thënë ty me ndejtë në komision më së pari? T’i s’ke certifikatë me qenë në këtë komision. Edhe s’duhet me leju.
Salih Zyba: Ky sot vetëm i tërbuar tregohet këtu….
Hisen Berisha: A bon me qitë jashtë si shef i Komisionit a e qes jashtë unë?
Salih Zyba: Jo unë ekam radhën me dalë vetë jashtë.
Hisen Berisha: Ti je rritë në Partinë Demokratike. Për korrupsion të kanë largu…
Bekë Berisha: Këqyre ti zotëri. Ndale mikrofonin. Ndale. S’bën kështu. Ndale mikrofonin bre Sali, mos më hajde këtu me kësi porosi. Nuk je pjesë e komisionit, s’ke me vetë ashtu… Nale edhe këpute.
Bekë Berisha tha se Zyba po fliste me porosi të partisë.
