Bayern Munichi raportohet se po vazhdon të ruajë interesimin për Theo Hernandezin.
Sipas “Bild”, kampionët në fuqi gjermanë e shohin atë si një zëvendësues të mundshëm të Alphonso Davies, nëse ai largohet nga “Allianz Arena” në verë, transmeton Gazeta Express.
Francezi ka qenë nën monitorimin e Bayernit që një kohë të gjatë.
Gjithsesi, vlerësohet si e vështirë që Hernandez të largohet nga Milani, duke marrë parasysh rolin e tij të rëndësishëm që ka te “Rossonerët”
Mbrojtësi i majtë është i rregullt në skuadrën e Stefano Piolit dhe ka bërë 30 paraqitje deri tani në këtë sezon, teksa ka shënuar katër gola dhe ka kontribuar me katër asistime gjithashtu.
26-vjeçari ka kontratë të vlefshme me Milanin deri në verën e vitit 2026.
Bazuar në “Transfermarkt”, Theo Hernandez në treg vlerësohet me 55 milionë euro.
