Presidenti i Serbisë, Aleksandar Vuçiq, ka përshkruar përpjekjet e tij për të mos e njohur pavarësinë e Kosovës si një veprim heroik, duke i cilësuar veprimet e opozitës serbe si mënyra patetike.
“Detyra ime e vetme dhe e shenjtë është mbrojtja e shtetësisë së Serbisë, që për mua përfshin Kosovën”, theksoi Vuçiq
Pavarësisht rezistencës ndaj njohjes së pavarësisë së Kosovës, Vuçiq shtroi se nëse do të pranonte të vinte sanksione ndaj Rusisë dhe të njohë Kosovën, ai do të ishte kandidat për çmimin Nobel, një ide që ai e paraqiti me një dozë cinizmi.
Vuçiq shfrytëzoi gjithashtu rastin për të përmendur “ditët më të vështira” që ai ka përjetuar së fundmi, të cilat i atribuoi periudhës pas incidenteve në Banjskë më 24 shtator
Teksa po diskutohej për një urdhër arresti ndërkombëtar të lëshuar nga INTERPOL-i për sulmin e armatosur në Banjskë të Kosovës, ministri i Brendshëm i Kosovës, Xhelal Sveçla, kishte konfirmuar njoftimin në fillim të javës.
Vuçiq e përcolli këtë me një ton të ironisë, duke e quajtur atë “shumë çuditshëm”.
Kur u pyet gjatë një emisioni në TV Prva, për praninë e Milan Radoiçiq në listën e të kërkuarve nga INTERPOL-i, Vuçiq refuzoi të japë ndonjë parashikim të veprimeve të autoriteteve serbe, duke i lënë ato të veprojnë në përputhje me rrethanat.
Ai theksoi rolin e Radoiçiq si një aleat të afërt, dhe duke nënvizuar se gjuha e opozitës është e pafrytshme kur nuk është e drejtuar kundër tij
