Ministrja e Punëve të Jashtme dhe Diasporës (MPJD), Donika Gërvalla, ka zhvilluar takimin e rregullt me ambasadorin e Shteteve të Bashkuara të Amerikës në Kosovë, Jeff Hovenier.
Gërvalla përmes platformës “X”, ka treguar të hënën se me ambasadorin amerikan ka diskutuar për ngjarjet e fundit
Po ashtu, ajo thotë se kanë biseduar edhe për perspektivën euroatlantike të Kosovës, si dhe çështjen e sigurisë.
“Në takimin tim të rregullt me ambasadorin amerikan Jeff Hovenier, diskutuam për ngjarjet aktuale, perspektivën tonë euroatlantike dhe përpjekjet e përbashkëta të Kosovës së bashku me aleatët e saj në NATO dhe BE për të forcuar sigurinë dhe stabilitetin për këtë pjesë vendimtare të Evropës”, thuhet në reagimin e kryediplomates kosovare
Opozita në Kosovës po e akuzon Qeverinë e Albin Kurtit që po i cenon raportet Kosovë-SHBA, sidomos pas zhvillimeve të fundit për çështjen e dinarit serb.
Por, kryeministri Albin Kurti ka deklaruar se “SHBA-të i kanë partner e aleat ndonëse ndonjëherë mund të mos pajtohen”.
In my regular meeting with 🇺🇸Ambassador Jeff Hovenier, we discussed current events, our Euro-Atlantic perspective, and the common efforts of🇽🇰 together with its allies in NATO and the EU to strengthen security and stability for this crucial part of Europe. pic.twitter.com/iokEXh6Nbj
— Donika Gërvalla-Schwarz (@gervallaschwarz) February 26, 2024