Infermieri Enlirat Duraku, ka nisur grevën para Ministrisë së Shëndetësisë, e cila përmban gjashtë kërkesa, .
Duraku ka deklaruar se greva e tij nuk do të ndalet deri në plotësimin e kërkesave të tij.
“Formimi i Drejtorisë së Infermierisë në QKUK, pagesa e shtesave të tregut dhe shtesave për nëpunës shëndetësor në sistemin publik shëndetësor, respektivisht përfshirjen e komuniteteve tona në Ligjin e Pagave, pagesën e punës gjatë vikendeve dhe gjatë festave, pagesën e rrezikshmërisë dhe orëve shtesë”, janë disa nga kërkesat që Duraku i ka shpalosur para MSh-së.
Ndonëse ishte e paraparë që të pranishëm të jenë edhe infermierë tjerë, aty u pa vetëm ai. E për mungesë të kolegëve të tij, Duraku thotë se janë frikësuar nga eprorët e tyre
“Jemi të vetëdijshëm që 99 për qind të infermierëve janë të frikësuar prej shefave të tyre, sidomos eprorëve të tyre, pra frika është shkaku kryesor”, thotë ai.
