Luftëtari legjendar i MMA-së, Khabib Nurmagomedov, ka postuar një foto në llogarinë e tij zyrtare në Instagram përkrah luftëtarit shqiptar Ilir Latifi.
Me mbishkrimin “Vëllau im” e ka shoqëruar Nurmagomedov foton e postuar, ndërsa poshtë emrit e ka vendosur edhe flamurin shqiptar
Dyshja në fjalë tashmë dihet se janë dy miq të ngushtë dhe asnjëherë nuk ngurrojnë të urojnë njëri-tjetrin për sukseset që korrin.
Mbahet mend ngjarja e vitit 2018 kur Conor McGregor kishte sulmuar autobusin ku prezent kishin qenë Nurmagomedov dhe Latifi, ndërsa pas atij incidenti Khabib kishte deklaruar se Latifi e kishte parandaluar atë që situata të mos eskalonte.
Kujtojmë se meçi i fundit i Nurmagomedov ka qenë ai ndaj Justin Gaethje në tetor të vitit 2020, aty ku rusi kishte triumfuar
Në anën tjetër, meçi i fundit i luftëtarit shqiptar Ilir Latifi daton në maj të vitit të kaluar, aty ku kishte pësuar humbje ndaj brazilianit Rodrigo Nascimento
