Në emisionin “Presisng” të T7, të mërkurën është publikuar ekskluzivisht lista e pjesëmarrësve në samitin BE-Ballkani Perëndimor, që do të mbahet të enjten në Tiranë.
Emri i kryeministrit të Kosovës, Albin Kurti nuk figuron në atë listë
Kreu i ekzekutivit kosovar ndodhet në Irlandën Veriore. Ai të mërkurën vonë ka shkruar në platformën “X”, duke treguar për një fjalë që e kishte në “Queen’s University Belfast”.
Kurti aty ka folur sesi “shpresa e njerëzve shërben si katalizator për ndryshim”.
“Diskutova se si shpresa e njerëzve shërben si një katalizator i fortë për ndryshim dhe rolin e qeverisë në nxitjen e demokracisë për të ushqyer këtë shpresë, në kontekstin e sukseseve të Kosovës”, ka shkruar Kurti.
Po shtu, Kurti ka vizituar shkollën ” St Matthew”, ku tha se “edukimi i integruar thyen barrierat”.
“Vizitova shkollën St Matthew në Belfast për t’u takuar me studentët dhe stafin e nismës ‘Edukimi i përbashkët’, që përfshin rreth 900 shkolla nga komunitete të ndryshme në Irlandën e Veriut. Është frymëzuese të shohësh studentët të mësojnë së bashku dhe të thyejnë barrierat përmes edukimit të integruar”, ka shkruar Kurti në një tjetër postim në platformën “X”.
Visited St Matthew School in Belfast to meet students and staff of the 'Shared Education' initiative, involving around 900 schools from diverse communities in Northern Ireland. It's inspiring to see students learning together and breaking barriers through integrated education. pic.twitter.com/Ele3Gk2SNi
— Albin Kurti (@albinkurti) February 28, 2024