Ukrainës po i “kërkohet” të kalojë një nga të ashtuquajturat vija të kuqe të presidentit rus Vladimir Putin nga një aleat i NATO-s, ndërsa Kievi po lufton me mungesën e armëve në fushën e betejës.
Putini ka paralajmëruar vazhdimisht vendet e NATO-s se rrezikojnë të zgjerojnë luftën nëse i japin Kievit armë që janë të afta të arrijnë objektivat brenda Rusisë
Por pavarësisht kërcënimeve, armë të tilla i janë dhënë Ukrainës, pa asnjë shenjë hakmarrjeje nga Putini, shkruajnë mediat e huaja,
Kështu, Finlanda, e cila iu bashkua NATO-s vitin e kaluar, pavarësisht se Putini kundërshtoi zgjerimin e aleancës strategjike dhe përmendi shqetësimet e lidhura me to si arsye për pushtimin e Ukrainës, miratoi një paketë të re ndihme ushtarake prej 205 milionë dollarësh për Ukrainën në fillim të këtij muaji
Ministri finlandez i Mbrojtjes, Antti Hakkanen, tha në komentet për Kompaninë Finlandeze të Transmetimeve të enjten se Ukraina mund të përdorë armët e ofruara nga Finlanda për të goditur objektivat brenda Rusisë.
Hakkanen vuri në dukje se aleatët e tjerë të Ukrainës kishin ofruar “sisteme raketash me rreze të gjatë veprimi” dhe ishin brenda të drejtave të tyre për të “specifikuar se si duhet të përdoren”.
Ai më pas i kërkoi Gjermanisë që t’i dërgojë Kievit raketat e saj me rreze të gjatë Taurus “nëse duan të ndihmojnë Ukrainën të fitojë”.
Madje, anëtari i parlamentit finlandez Jukka Kopra thuhet se shkoi një hap më tej, duke thënë se Ukraina “duhet” të përdorë armët e furnizuara nga Finlanda për të sulmuar “objektivat ushtarake në anën ruse”
“Përndryshe, këto objekte ushtarake do të godasin palën ukrainase”, theksoi Kopra. “Kjo është një luftë mbrojtëse absolutisht ligjore, të cilën po e zhvillon Ukraina. Karta e OKB-së lejon sulmimin e objektivave ushtarakë përtej kufijve tokësorë”
Ndryshe, Ukraina ka pësuar kohët e fundit një sërë pengesash ushtarake pas një pakësimi të ndihmës nga aleatët perëndimorë.
Humbjet e fundit kanë përfshirë kontrollin e qytetit Dontesk të Avdiivka pas disa muaj luftimesh.
Ndërsa 60 miliardë dollarë ndihma shtesë e SHBA-së mbetet e “bllokuar” në Kongres, disa nga aleatët evropianë të NATO-s të Kievit kanë ofruar së fundmi shuma më të vogla dhe Bashkimi Evropian (BE) njoftoi miratimin e një pakete të re ndihme prej 54 miliardë dollarësh për Ukrainën në fillim të këtij muaji
Megjithatë, paketa e BE-së është për ndihmën e shpërndarë deri në vitin 2027.
