Ministri i Punëve të Brendshme, Xhelal Sveçla, ka thënë se reagimet ishin të pakta nga ndërkombëtarët kur Serbia i kidnapoi tre zyrtarë policorë të Kosovës vitin e kaluar.
Ai ka theksuar se nga këto mosreagime të mjaftueshme, sipas tij, erdhi edhe sulmi i 24 shtatorit në Banjskë më pas.
“Çka ishte e vështirë për t’u besuar? Ishin reagimet shumë të pakta të komunitetit ndërkombëtar rreth këtij akti të Serbisë. Këto reagime sollën situatën që e patëm më 24 shtator, një sulm terrorist duke bërë një invazion në Kosovë, skenar i përgatitur nga Serbia”.
“Fatkeqësisht ende nuk kemi një veprim nga BE ndëshkuar Serbinë për këtë akt”, ka thënë Sveçla në sesionin e dytë “Lufta në fqinjësi: Diplomacia e Mbrojtjes”, në kuadër të konferencës “Urëzimi i Ballkanit Perëndimor”.
