Një aksident është regjistruar paraditen e sotme në fshatin Bastar Murrize në bajpasin e rrugës së Arbrit.
Një furgon pasagjerësh që vinte nga Dibra në drejtim të Tiranës është përplasur me një tjetër mjet që lëvizte nga Tirana drejt Qarkut Dibër.
Fatmirësisht nga përplasja ka patur vetëm dëme materiale, ndërsa pasagjerët që ndodheshin në furgonin e Dibrës janë trembur.
Për shkak të përplasjes është bllokuar qarkullimi i automjeteve në të dy anët e lëvizjes.
Ndërkohë pritet të mbërrijë policia Rrugore e Tiranës për të bërë të mundur hapjen e qarkullimit.
Kujtojmë se në vendin e aksidentit të sotëm kanë ndodhur me dhjetra aksidente që kur është hapur për qarkullim bajpasi Murrizit.
Ajo mbetet kthesa më e rrezikshme e kësaj rruge për shkak se është afërsisht thesë 90°, pa fushëpamje dhe e ngushtë.
