Interi ka regjistruar fitoren e nëntë rresht në Serie A, për të vazhduar kështu sigurt drejt titullit të kampionit.
Skuadra e drejtuar nga Simone Inzaghi triumfoi sonte ndaj Genoas, në kuadër të javës së 29-të, .
Ndeshja e zhvilluar në “Gusieppe Meazza” përfundoi me rezultatin 2:1.
Kristjan Asllani (30’) ishte autor i golit të parë, që ishte edhe goli i parë i mesfushorit shqiptar me fanellën e “Nerazzurrëve”.
21-vjeçari ishte titullar dhe luajti tërë takimin sonte.
Alexis Sanchez (38’) nga penalltia shënoi golin tjetër në fitoren e Interit.
Golin e vetëm për skuadrën mysafire e realizoi Johan Vasquez (54’).
Interi pas kësaj fitore ka 72 pikë dhe prin në tabelë me 15 pikë më shumë se Juventusi, që mban pozitën e dytë.
Genoa mbetet në pozitën e 12-të me 33 pikë.
