42 
Të hënën pritet të mbajë mot me vranësira të shpeshta dhe intervale të shkurta me diell, ku gjatë pasditës mund të ketë ndonjë reshje të izoluar në lokalitete, ndërsa vonë në mbrëmje pritet intensifikim i reshjeve në shkallë vendi, sidomos gjatë orëve të natës.
Sipas Meteo Kosova, reshjet lokalisht parashihet të jenë më intensive, përderisa koncentrimet e pluhurit saharian do të rikthehen përsëri, me ç’rast reshjet do të përzihen me baltë.
Era do të fryjë nga drejtimi i juglindes, e cila kohë pas kohe pritet të jetë e fuqishme, me shpejtësi prej 18-44 km/h.
Temperaturat minimale do të lëvizin prej 1 deri në 3°C, ndërsa ato maksimale prej 13 deri në 16°C.
