Michael Martens, gazetar i Frankfurter Allgemeine Zeitung, ka thënë se pas përjashtimit të Rusisë, Kosova ka mundësi që të pranohet në Këshillin e Evropës.
Mirëpo, sipas tij ka një problem
Ai thotë se nëse Qeveria nuk vepron, dyert e Këshillit të Evropës do të mbesin të mbyllura.
“Në maj të vitit 2022, Kosova aplikoi për anëtarësim në Këshillin e Evropës. Pas përjashtimit të Rusisë, është mjaft e mundshme që të arrihet shumica e nevojshme për pranimin e Kosovës. Por ka një problem”, thotë ai, duke iu referuar çështjes së pronës së Manastirit të Deçanit
Për këtë ai thotë se edhe kryeministri aktual Albin Kurti ka injoruar vendimin e Gjykatës Kushtetuese.
“Nëse qeveria e Kosovës nuk vepron, dyert e Këshillit të Evropës do të mbeten të mbyllura. Kjo është për të ardhur keq, pasi zgjidhja e kësaj mosmarrëveshje do të ishte e mundur. Shpejt dhe pa kosto të mëdha politike. Madje me përfitim, pasi respektimi i sundimit të ligjit është vetërespekt në çdo demokraci”, ka shkruar Marthens në “X”.
