Pavarësisht se sot ishte dita e gruas, debati mes burrave dhe grave nuk mungojë. Për këtë u kujdesë ministri Hekuran Murati i cili publikoi disa statistika për punësimin e grave duke u lavdëruar për rritjen e punësimit të grave por që u kundërshtua nga nënkryetarja dhe deputetja e LDK-së znj. Hykmete Bajrami.
Pretendimin e ministrit Murati për 10 mijë gra shtesë të punësuara në vitin 2023, e demantoi znj. Bajrami duke u bazuar në statsitikat e Trustit ku shihet se numri i kontribuesve për të dy gjinitë ishte rritur vetëm për 4.983.
Postimi i plotë i Hylmete Bajramit
Derisa Hekuran Murati thotë se gjatë vitit 2023 janë punësuar 10 mijë gra e vajza, të dhënat e Trustit për vitin 2023 tregojnë se numri i kontribuesve për 11 muaj është rritë vetëm për 4 983. Edhe pse festë sot, kjo e pavërtetë nuk kalon!
Ministri sot paska vendosur t’i uroj gratë në ditën ndërkombëtare të tyre me një të pavërtetë të madhe. Ky po thotë se numri i gravë të punësuara qenka rritë ndër vite, ndonse nuk e jepë asnjë referencë se ku i merr të dhënat.
Janë dy gjëra këtu që duhet të sqarohen: edhe sikur ta pranonim grafin e Hekuranit si të mirëqenë aty shihet se punësimi me i madh i grave dhe vajzave paska ndodhur në kohë të pandemisë, rreth 12 mijë, dhe prej atëherë ku punësim është për rreth 20% më i ulët (në krahasim me vitin 2020), POR këto të dhëna i demanton Trusti, në një përgjigje dhënë Komisionit Parlamentar për Buxhet, Financa, Punë dhe Transfere, i cili kur pyetet për numrin e kontribuesve në Trust na jepë këto shifra:
Dhjetor të vitit 2022 në Trust ka pasë 333,351 kontribues, ndërsa
Nëntor të vitit 2023 në Trust ka pasë 338,334 kontribues.
Nga kjo shihet qartë se numri i kontribuesve në Trust për 11 muaj të vitit 2023 është rritë vetëm për 4 983 e Hekurani po thotë 10 mijë gra janë punësuar në vitin 2023.
E pavërtetë!
Shihni dokumentin e Trustit, dërguar 11 anëtarëve të Komisionit Parlamentar për Buxhet Financa, Punë dhe Transfere.
P.S. Nga ministri i cili mban që dy vjet pa mandat drejtorin e Administratë Tatimore nuk pritet me punësu askënd aq me pak me bë politika për punësim të grave.
