Musk: Së shpejti videot e gjata të X do të jenë të disponueshme në televizorët inteligjentë

by engel

Pasi që revista Fortune kishte njoftuar se rrjeti social X po planifikon të lançonte një aplikacion televiziv për Amazon, miliarderi Elon Musk tha se videot e gjata do të jenë së shpejti të disponueshme në televizorët inteligjentë. Platforma prezantoi një version të më hershëm të thirrjeve video dhe audio për disa përdorues nga tetori i kaluar, pasi Musk kishte thënë se planifikonte ta kthente atë në një super aplikacion që ofron shërbime nga mesazhet deri te pagesat peer-to-peer.

“Së shpejti,” tha Musk në një përgjigje të shkurtër në X ndaj postimit të një përdoruesi se videot me formë të gjatë të platformës mund të shihen direkt në televizorë inteligjentë.

banner

Më herët, Fortune tha se aplikacioni mund të duket i ngjashëm me aplikacionin televiziv të ofruar nga Youtube i Google. Ai citoi një burim të paidentifikuar ku thuhej se Musk ishte i vendosur të konkurronte me YouTube. X nuk iu përgjigj menjëherë një kërkese të Reuters për detaje të mëtejshme mbi aplikacionin.

Në përpjekjen për t’u bërë një “platformë e parë video”, X ka krijuar partneritete me ish-komentatorin e Fox, Tucker Carlson dhe ish-spikerin e CNN, Don Lemon. Platforma, e cila ka luftuar për të mbajtur reklamuesit mes polemikave që kur Musk e bleu atë në 2022, tha muajin e kaluar se do t’u mundësonte reklamuesve të shfaqin reklama video pranë krijuesve të përmbajtjes./Reuters

banner

Të ngjajshme

This website uses cookies to improve your experience. We'll assume you're ok with this, but you can opt-out if you wish. Accept Read More

Privacy & Cookies Policy