Kanë përfunduar tri ndeshjet e sotme të Superligës së Kosovës në futboll duke sjellur rezultate interesante që kanë ndryshuar renditjen në tabelë. Pas plot 90’ minutave të zhvilluara në stadiumin me bari sintetik në Gjilan, Drita e ka mposhtur 1:0 Prishtinën. Golin e vetëm e shënoi Blerim Krasniqi në minutën e 61’ të ndeshjes.
Po ashtu, fitore sot regjistroi edhe Llapi, i cili e mposhti Gjilanin me shifrat 2:1. Kjo fitore ja siguron për momentin Llapit kreun e tabelës ndërsa Ballkani zbret në vendin e dytë. Golat për llapjanët i shënuan Ahmed Januzi (minuta e 45+1’) dhe Muhamet Hyseni (minuta e 89’), kurse golin e nderit për Gjilanin e shënoi Senad Jarovic në minutën e 71’.
Ndërkaq, pa gola është mbyllur ndeshja mes Dukagjinit dhe Fushë Kosovës. Rezultatet e sotme i gjeni më poshtë.
Drita 1:0 Prishtina
Llapi 2:1 Gjilani
Dukagjini 0:0 Fushë Kosova
