Novo Nordisk vjen me një produkt të ri, të cilët thonë se presin që ilaçi Wegovy të miratohet këtë vit në Kinë dhe të shitet me vëllime të kufizuara i cili përdoret për humbje peshe. Nisja e ardhshme në Kinë fillimisht do të përqendrohet te pacientët që paguajnë nga xhepi për Wegovy, tha kreu i biznesit të Novo-s në Kinë, Christine Zhou Xiaping, në një takim me investitorët në selinë qendrore të kompanisë jashtë Kopenhagës.
Wegovy pati debutimin e tij në shkurt në Japoni, tregu i parë aziatik. Prodhuesi danez i barnave e ka lançuar ilaçin në tetë vende që nga debutimi i tij në Shtetet e Bashkuara në 2021. Kompania po garon për të rritur furnizimet e ilaçit të suksesshëm për të përmbushur kërkesën në rritje, por i është dashur të kufizojë vëllimet në shumicën e tregjeve.
Wegovy i përket një klase të barnave të njohura si agonistët GLP-1, të krijuar fillimisht për të trajtuar diabetin e tipit 2, që janë treguar se reduktojnë dëshirat për ushqim dhe zbrazin stomakun më ngadalë.
Disa prodhues kanë paraqitur aplikime për prova klinike për ilaçe gjenerike GLP-1 si për diabetin ashtu edhe për obezitetin, por nuk pritet të marrin miratimin përpara vitit 2028, tha Xiaping.
Më shumë se 100 barna të tubacionit GLP-1 janë në zhvillim e sipër në Kinë, me dy barna të reja nga kompanitë kineze që pritet të dalin në treg vitin e ardhshëm, sipas një shënimi të fundit kërkimor të HSBC.
Patenta e Novo-s për Wegovy në Kinë skadon në vitin 2026. Kina do të ishte tregu i dytë më i madh i Novo-s pas Shteteve të Bashkuara.
Edhe Eli Lilly Company ka dalur në treg me produkte të reja, e cila prodhon barna rivale për humbje peshe, thuhet se pret që kërkesa të tejkalojë ofertën në vitin 2024./Reuters
