Deputetja nga radhët e Lidhjes Demokratike të Kosovës, Hykmete Bajrami, ka reaguar pasi Ministri i Infrastrukturës, Liburn Aliu, e lëshoi seancën e jashtëzakonshme ku po shqyrtohet propozim-rezoluta e LDK’së për numrin e madh të kontratave njëburimore të nënshkruara gjatë mandatit të Qeverisë Kurti.
Bajrami tha se Aliu ia ka ndërruar vendin Drejtorit të Prokurimit, vetëm pasi Thesari Amerikan e ka futur në listën e zezë,
“Ai Ministri që iku këtu edhe që mundohet me u tregu i pastër, a e keni kur ia ka ndërru vendin Drejtorit të Prokururimit, kur Thesari Amerikan e ka shti në listë të zezë. Qëta jeni ju. Kur Thesari Amerikan e ka shti në listë të zezë atë “Babën e Tenderëve” që e quanit npër Qeverinë PAN, atëherë e ka hek. Ky është ministri ku në ministrinë e tij dy veta nënshkruajnë tendere, nënshkruan Hysen Durmishi dhe nënshkruan Liburn Aliu”, ka thënë Bajrami.
Tutje, ajo i është drejtuar kabinetit qeveritar duke u thënë se “jeni të korruptum, jeni frikacak dhe jeni shpifësa”