José Mourinho është një personazh unik. I dashur apo i urryer, trajneri portugez 61-vjeçar është një nga figurat më të mëdha të futbollit.
Rekordi i tij, një nga më të pasurit në historinë e sportit të tij, flet vetë.
Veç kësaj, Speciali njihet për deklaratat e tij rrëqethëse dhe qasjen e tij shumë të drejtpërdrejtë, gjë që i jep një vend të veçantë në zemrat e fansave.
Netflix e kupton mirë këtë dhe platforma sapo ka njoftuar publikimin e një serie që do t’i kushtohet në vitin 2025.
“Seriali do të përfshijë intervista ekskluzive me sportistin, lojtarët dhe kolegët duke mbuluar keshtu karrierën e tij mbresëlënëse – duke hequr vellon mbi njeriun pas personazhit të ‘Specialit’”, konfirmon platforma në një njoftim për shtyp.
Por ai nuk do të jetë i vetmi, pasi Netflix ka konfirmuar gjithashtu se po xhiron një serial për fenomenin e tenisit, Carlos Alcaraz, i cili do të nise sezonin ne 2024.
Seritë sportive po bëhen gjithnjë e më të shumta. Drive to Survive, e porositur nga Formula 1, shërbeu si një shembull kryesor disa vite më parë, pas dokumentarëve për yjet, të cilët tashmë ishin më të zakonshëm.
Që atëherë, golfi, tenisi, basketbolli dhe futbolli në veçanti janë ftuar në platformë./Informim/
